Актёр, «Миллион» жамоасининг етакчиси, бошловчи Даврон Кабулов Сўғдиона Азимова бу йилги концертда чиқмаслигини айтди.

Унинг сўзларига кўра, ўтган гал концертда иштирок этган қизларнинг ҳеч бири бу сафар қатнашмайди. Актёр «Миллион» жамоаси билан бирга саҳнага чиққан ҳар бир аёл ва эркакни ҳурмат қилишини айтди.

«Ўтган сафар концертда иштирок этган қизлар бу сафар иштирок этмайди. Биз концертимизда чиққан ҳар битта эркак ва аёлни ҳурмат қиламиз. Агар ундай бўлмаганда, биз уни чақирмаган бўлардик. Ҳар бир янги аъзо кастинг асосида олинади. Олдинги репертуарига ҳам қаралади. Биринчи битта концертга биз синов тариқасида таклиф этишимиз мумкин. Бир концертда жамоага олиндинг дейилмайди. У репетицияда зўр ўйнаб, концертда қийнаб қўйиши мумкин. Бу жамоада ўзини топа олдими? Жамоа бу ижодкорни топдим деёляптими? Шу жиҳатларга қаралади», — дейди актёр.

Шунингдек, аввалроқ, «Миллион» жамоаси аъзоларига гонорар қай тартибда берилиши маълум бўлгани, Умиджон Ҳайдаров жамоа вакиллари билан бўлган бахтсиз ҳодисани айтиб бергани, «Миллион» номини ким қўйгани, жамоа аъзоси Маъруф Носиров тўйидан аввал фарзандли бўлганини айтгани ҳақида хабар берилган эди.

Шу билан бирга, Умиджон Ҳайдаров «Миллион» жамоасидан кетишининг сабабини айтгани, Даврон Кабулов «Миллион»нинг 2020 йилги концерти эълон қилинмаётганининг сабабини маълум қилгани, Луиза Расулова «Миллион» концертидан олдин Даврон Кабулов билан урушиб қолгани ҳақида гапириб бергани ҳамда Мафтуна Шокирова «Миллион»дан кетишининг сабабини айтгани маълум қилинган эди.