Таниқли турк актёри Бурак Озчивитнинг фарзанди реклама ролигига тушиш орқали жуда катта маблағ топди.

Туркиядаги маҳаллий нашрларнинг берган хабарига кўра, Бурак Озчивит ва Фахрие Эвженнинг икки ёшли фарзанди рекламадаги 5 сониялик кўриниш учун катта маблағ олган. Ушбу реклама мамлакат бўйлаб намойиш этилади. Рекламада иштирок этган турк актрисаси Фахрие Эвжен мазкур рекламадан икки миллион лира (2 млрд сўмдан ортиқ) олган бўлса, унинг икки ёшли ўғли Каран 500 минг лира (500 млн сўмдан ортиқ) миқдорда гонорар олган. Бурак Озчивитнинг ўзи реклама ролигида иштирок этмаган.

Маълумот учун, Бурак Озчивит ва Фахрие Эвжен 2017 йилда турмуш қурган ва ҳозирда уларнинг Каран исмли ўғли бор.

Аввалроқ, Бурак Озчивитнинг хотини билан ажрашаётганлиги ҳақидаги хабарга муносабат билдиргани ҳақида хабар берилган эди.