Ўзининг «Ёмон қиз» таронаси билан мухлислар кўнглидан жой олган Имрон нима сабабдан Дурдона Қурбоновани тўйига таклиф қилмаганини айтди.

Хонанданинг сўзлрига кўра, тўйи карантин даврига тўғри келгани сабабли кўпчиликни, шу жумладан, Дурдона Қурбоновани ҳам таклиф қила олмаган. Имрон бунинг учун актрисадан ҳафа бўлмасликни сўраган.

«Сўнги кунларда ҳар хил гап-сўзлар бўлиб кетди. Дурдонахон жонли эфирда биздан озгина ҳафа эканини сездирибди. Биринчи масала тўйга айтмаганим, иккинчи масала клипим учун қизларга кастинг эълон қилганим. Буларнинг ҳаммасига мен битта-битта ойдинлик киритмоқчиман. Сизни тўйга айтмаганимнинг сабаби тўғрисини айтаман, бу ҳақда мен ҳатто ўйлаб ҳам кўрмаганман. Чунки карантин эди, буни олдин ҳам айтганман. Дўстларимизнинг ҳам кўпчилигини карантин сабаб айта олмадик. Биринчи энг катта сабаб карантин бўлди. Бу учун ҳафа бўлмаслигингизни илтимос қиламан», — дейди Имрон.

Эслатиб ўтамиз, аввалроқ Дурдона Қурбонова Имрон уни тўйига таклиф қилмагани учун бормаганини, агар таклиф қилганида боришини айтганди.