Актёр Дилшодбек Каттабеков «Omon-omon» кўрсатувига берган интервьюсида тез орада уйланишини маълум қилди.

Унинг сўзларига кўра, ҳозир ижодий танаффусда. Актёр ҳозирги кунда оилага кўпроқ вақт ажратаётганини айтди. Шунингдек, оилада фақат у бўйдоқ эканини ва яқинда уни ҳам бу рўйхатдан ўчиришмоқчи эканини таъкидлади.

«Ҳозирги кунда озгина ижодий танаффус. Асосан, оилага кўпроқ вақт ажратяпман. Ота-онамнинг олдига Сирдарёга бориб келиб турибман. Оилада бўйдоқлар сафидан битта мен қолганман. Мени ҳам секин бўйдоқлар сафидан ўчиришмоқчи Худо хоҳласа. Шунинг ҳаракатидаман. Янгилик бўлиб қолса албатта айтаман. Ўтган йил карантин пайтида 30 кишилик тўйларга рухсат бердику, ўшанда мен ҳам қилсам бўлар экан дедим. Ҳар бир нарса ўз вақтида бўлгани яхши», — дейди у.