Таниқли актриса Азиза Ёқубова Рухшонанинг собиқ турмуш ўртоғи ва ўзи ҳақида тарқалган миш-мишларга аниқлик киритди. Бу ҳақда «PEOPLE» хабар берди.

Рухшона октябрь ойининг бошида «Бола тилидан» кўрсатувидан кетганини маълум қилди ва бунга унинг собиқ турмуш ўртоғи, кўрсатув продюссери Санжар Маткаримов билан ажрашаётгани сабаб бўлган. Орадан кўп вақт ўтмай кўрсатувга янги бошловчи сифатида актриса Азиза Ёқубова қабул қилинган. У кўрсатувга қабул қилинганидан хурсандлигини, шоу-бизнеснинг 100 га яқин вакиллари орасидан айнан уни танлаганлари учун миннатдорлигини билдирган.

«Мен болаларни жуда яхши кўраман. Шоу-бизнеснинг 100 га яқин вакиллари иштирок этган кастингдан айнан мени танлаб олишганидан миннатдорман. Дастур тўхтатилганди. Мен таклифни рад этсам кўрсатув продюссерлари ва режиссёрларининг меҳнатини ҳурмат қилмаган бўлар эдим. Улар эса менинг ўрнимга яна бошқа бошловчини олишарди. Мен ҳам кетган бошловчининг ўрнига келдим, холос»,— дейди актриса Азиза Ёқубова.

Янги кўрсатувга бошловчилик қилиш Азиза Ёқубовага машҳурлик билан бирга у билан боғлиқ жуда кўплаб миш-мишлар юзага келишига сабабчи бўлди. Азиза Ёқубова Рухшонанинг собиқ турмуш ўртоғи Санжар Маткаримов билан боғлиқ тарқалган миш-мишларган ойдинлик киритди. Актриса «Бола тилидан» кўрсатувининг просюссери Санжар Маткаримов билан бирга фаолиятини юритиши, у билан янги лойиҳа устида ишлаётгани ҳақида гапирган.

«Рухшонанинг турмуш ўртоги менинг бошлиғим бўлади. Биз бирга ишлаймиз, бир хил пайт бирга савол тузамиз. Суратга олиш жараёнларида ижодий жамоамиз билан бирга овқатланамиз. Ундан ташқари ҳозир биз янги лойиҳа бўйича бирга ишлаяпмиз. Ортимдан ким қандай иғво тарқатаётганини ҳам, улар нима қилаётганини ҳам биламан. Фақат бир-иккита инсонлар айтгани учун жим юрибман»,—дейди актриса.

Маълумот учун, Азиза Ёқубова «Журналист» миллий сериалида роль ижро этганидан кейин машҳурликка эришди ва кўплаб томошабинлар қалбидан жой эгаллади. У 2020 йилнинг сентябрида иккинчи марта турмушга чиққан ва биринчи турмушидан бир нафар Ясмин исмли қиз фарзанди бор.

Аввалроқ, Азиза Ёқубова «Бола тилидан» кўрсатуви юзасидан Рухшона билан бўлган суҳбатни кўрсатгани ҳақида хабар берилган эди.