Актриса Луиза Расулова «Аldama meni» кўрсатувига берган интервьюсидан кейин Рихситилла Абдуллаев уни тўйга таклиф қилганини айтиб, у билан ёзишмани эълон қилди.

Унга кўра, актёр Луиза Расуловани Гулистондаги тўйга хизмат қилишга чақирган, актриса эса бунга жавобан у билан ҳеч қачон тўйларга чиқмаслигини ва айтган нархи жуда арзон эканини билдирган.

«Кўрсатувга берган интервьюмдан кетйин менга хабарлар кела бошлади. Жуда ҳам кулгили ва аянчли нарсага гувоҳ бўляпман. Менга тош отишдан, бўхтон қилишдан олдин бир кун келиб ёзишларини ўйлаб кўришмаганмикин ҳеч? Хуллас, бошловчи ҳақида гапиргандим. Исмини айтгим ҳам келмаяпти. Кеча менга смс ёзибди, жуда кулгули. Акажон, менга ёзган ҳақоратли гапларингиздан сўнг сизга тегишли фактларим борлигини айтганимдан кейин бирга тўй хизматимизни йўқ қилганингизни эслайсизми. Энди шунча вақт ўтиб интервью чиққанидан кейин бирга тўйга боришни таклиф қилиш ғалати эмасми. Мен сиз билан шу пайтгача тўй олиб бормадим, бундан кейин ҳам олиб бормайман деган умиддаман. Қўрқманг, қўлимда бор фактларни қора кунга асраб қўйганман. Менда нима борлигини билиш учун тўй хизматига айтиш шарт эмас. Кейин сиз ёзган нархга мен Тошкентдаги тўйга ҳам бормайман. Хизмат нархини билмоқчи бўлсангиз админстраторимга мурожаат қиласиз», дейди актриса.

Эслатиб ўтамиз, аввалроқ Луиза Расулова Pихситилла Абдуллаев билан жанжаллашиб қолганини айтганди.