«Ипак йўли дурдонаси» Тошкент халқаро кинофестивалида 1 октябрь куни «Астерикc» роли билан танилган таниқли француз актёри Жерар Депардье билан ижодий учрашув бўлиб ўтди.

Учрашувда актёр ўзининг болалик даври ҳақида сўзлаб берди, фильмларни суратга олиш вақтидаги ҳикоялар ва кино соҳасининг келажаги ҳақидаги фикрлари билан бўлишган. Машҳур актёр Ўзбекистонга аввал ҳам келганини айтиб ўтди ва ўзининг илиқ хотиралар билан ўртоқлашган, шунингдек, халқаро кинофестивалга таклиф учун миннатдорчилик билдирган.

«Балки менда ўзбек қони бордир, чунки мен Ўзбекистон тарихига жуда қизиқаман. Шунинг учун мен Ўзбекистонда фильм суратга олишга қарор қилдим. Ўзбекистон ҳукуматининг миллий кинематографияни ривожлантириш борасидаги саъй-ҳаракатлари таҳсинга лойиқ. Кўриб турибмизки, ўзбек кинематографиясининг келажаги сифатида ёшларга катта эътибор қаратилмоқда», — дейди актёр.