Актриса Луиза Расулова YouTube’даги «Salom live»лойиҳасига берган интервьюсида санъатга кириб келганида кўрган қийинчиликлари ҳақида ҳақида гапирди.

Актрисанинг сўзларига кўра, шоу-бизнесга энди кириб келганида унга турли ‘таклифларʼ бўлган. Шундан кейин у қўрқиб қолганини айтди. Бироқ, акаси ва онаси уни ҳамиша қўллаб-қувватлаганини қайд этган.

«Бундай йўл шоу-бизнесга кирaётганимда пайдо бўлган. Менда жуда қаттиқ қўрқув пайдо бўлиб қолган. Ҳар хил ‘таклифларʼ бўлган. Мен шоу-бизнесни жуда ҳам чиройли, ялтироқ дунё деб тасаввур қилганман. Шундай пайтлар бўлганки, уйга қалтираб келиб, мен хоҳламайман, актриса бўлмайман, менга бу нарса керак эмас деганман. У пайти нимани тушунаман? Тўғри у пайти қийинчиликдан ўтгандирман. Барибир бундай нарсаларга тайёр бўлмаганман. Мен бундай тасаввур қилмаганман. Уйга йиғлаб келган пайтимда акам, онам қўллаб-қувватлаган. Қизим яхши бўлади. Биз сенга ишонамиз. Менда ҳар доим нотўғри йўл туради. Лекин мен ичимдаги Луиза ёш, беғубор Луиза мен ўйлаганданда кўпроғига қодирман деган нарса бор», — дейди актриса.