Голливуднинг дунёга машҳур актрисаси Анжелина Жоли нима сабабдан ўзи иштирок этган фильмларни кўрмаслигини айтди.

Ҳозирда 46 ёшда бўлган Голливуд юлдузи Анжелина Жоли сўнгги кунларда интервью беришда ва оммага кўринишда фаол. Анжелина Жоли маҳаллий нашрлардан бирига берган интервьюсида «Менга роль ижро этган киноларимни томоша қилишдан кўра, фильм суратга олиш жараёнларида иштирок этиш ёқимлироқ. Чунки жараёнларда иштирок этиб, уларни ҳис этаман, кинони эса қайта кўргим келмайди»,— деган.

Актриса бошқа бир нашрга берган интервьюсида эса режиссёрликни тўхтатганини, ҳозир фақат ўзи ёқтирган актрисалик касби билан шуғулланишини билдирган.

Аввалроқ, Анжелина Жоли унинг иштирокидаги сериалнинг баъзи мамлакатларда таъқиқланишига муносабат билдиргани ҳақида хабар берилган эди.