Актёр, телебошловчи Анвар Салимов YouTube’даги «Chotki Tv» лойиҳасига берган интервьюсида «Спорт лотто» ўйини ҳалол бўлмагани ҳақида гапирди.

Унинг сўзларига кўра, лотарея ҳалол ўйин эмас, лекин ўйиннинг ўзида ҳеч қандай ғирромлик бўлмаган. Бироқ актёр «Спорт лотто»дан пул ютиб олганларнинг маблағи яхшиликка олиб бормаганини айтди. Анвар Салимов ўша пайт кўрсатувда бошловчилик қилгани учун бир ойга 100 доллар олганини таъкидлади.

«Ҳалол ўйинмас. Лотарея бу қимор. Умумий айтадиган бўлсам, ‘Спорт лоттo’нинг катта шариклари тушадиган иккита чемадон бўларди. 4 та барабан ва иккита захира турарди. Хуллас, телевиденияга пул тикиб, топшириб, кўзимнинг олдида қулфлаб, милиция ходимларига топшириб чиқиб кетишар эди. Кўрсатув 1 ҳафтада бир марта бўларди. Ўша пайти келиб, очиб беришарди. Мен 100 марта текширганман. Мен кейинчалик ‘Спорт лоттo’дан топилган пуллар яхшиликка олиб келмаганини эшитганман. У баракасиз пул бўлади. Ўша пайти гонарарим бир ойга 100 доллар бўлган», — дейди актёр.