Хонанда Алишер Файз янги концерт дастурида раққоса Паризода билан ярашганини эълон қилди.

Алишер Файз ва Паризода анчадан буён бирга ижод қилмаётганди. Хонанданинг бу галги концерт дастурида эса раққоса саҳнага чиқди. У саҳнага чиққанидан ҳаяжонланганини айтди. Шунингдек, Алишер Файз бундан кейин ижодий ҳамкорлик давом этишини таъкидлади.

«’Сюрприз’ дегани фақат кирмашина ёки телевизор бўлавермайди. Орада анча вақт ўзаро ижодий чекиниш бўлди. Лекин буёғига чиройли давом этиши керак. Паризода саҳнада ҳаяжонланиб кетяпти экан», — дейди у.