Режиссёр, продюсер, актёр Аҳад Қаюм Муниса Ризаева унга пиар қилиш учун пул таклиф қилганини айтди.

У бу ҳақда «Зўр бекат» лойиҳасига берган интервьюсида маълум қилган. Лойиҳа бошловчилари Аҳад Қаюмдан ким пиар учун пул беришни таклиф қилгани ҳақида сўраган. Актёр эса бундай инсонлар кўплигини таъкидлаб, улардан бири Муниса Ризаева эканини айтган.

«Ундайлар кўп. Масалан Мунис менга шуни таклиф қилган. Рейтинггим тушиб кетяпти деганди», — дейди Аҳад Қаюм.

Бошловчилардан бири ундан «Демак, Муниса Ризаевага уйланмоқчилигини айтгани пиар бўлган, шундайми?», дея сўраганида Аҳад Қаюм буни тасдиқлаган.

Эслатиб ўтамиз, аввалроқ Аҳад Қаюм актриса Ҳалима Ибрагимова билан жанжаллашгани акс этган видеолар аслида пиар бўлганини тан олган эди.