Хонанда Дилдора Ниёзова ўзининг янги «Ёлғиз аёл» номли қўшиғига клип суратга олди.

Клипда бош ролни актриса Маърифат Артикова ижро этган. Унда ажрашган ёлғиз аёл қисмати очиб берилган. Унинг ўғли касал бўлади. Собиқ турмуш ўртоғи унга ёрдам беришдан бош тортади. Аёл оиласини боқиш учун бир офисда фаррошлик қилади. Ўша ернинг бошлоғи унга тегажоқлик қилмоқчи бўлади. Шундан кейин аёл ишдан бўшайди. У уйида ширинлик тайёрлаб сотиш учун ўғлига бериб юборади. Ҳамма ширинликларни аёл ишдан бўшаган офис бошлиғи сотиб олади. У шу йўл билан қилган ишини оқламоқчи бўлади.