Германиянинг машҳур «Rammstein» гуруҳи солисти Ўзбекистонда суратга олинган клипи премьерасини тақдим этди.

Клип гуруҳ солисти Тилл Линдеманнинг «Le jardin des larmes» қўшиғига ишланган. Линдеманн композицияни франциялик хонанда Заз (асл исми Изабель Жеффруа) билан бирга ижро этган. Улар дуэтни 2018 йилда ёзиб олишни режалаштирганди, аммо пандемия туфайли жараён кечиктирилди.

Линдеманн ва Жеффруа уч йилдан сўнг Ўзбекистонга бориб, клипни суратга олди. Клип 3 кун давомида тасвирга олинди. «Съёмка» жараёни Ўзбекистон Туризм ва спорт вазирлиги кўмагида амалга оширилган. Клип режиссёри — Раммстеин ва Линдеманн клипларининг муаллифи — Зоран Биҳач. Клип ёуга 2 кун аввал жойланган ва кўришлар сони шу 2 кун ичида ярим миллион марта кўрилган.