«Ипак йўли дурдонаси» Тошкент халқаро кинофестивалида «Тутқунлик» бадиий фильмининг катта премьераси ўтказилди.

Алишер Навоий номидаги киносаройда Кинематография агентлиги буюртмасига биноан суратга олинган «Тутқунлик» бадиий фильмининг премьераси журналистлар, кинофестиваль меҳмонлари, ижодкорлар ва ёшлар учун ташкил этилди. Фильм 2019-2020 йилларда ўтказилган «Меҳр» операциясига бағишланади.

Сценарий муаллифи Азамат Қоржовов ва Рашид Маликов, постановкачи режиссёр Рашид Маликов, постановкачи оператор Алексей Вензос, композитор Дмитрий Янов-Яновский, рассом Дониёр Абдураҳманов, либослар бўйича рассом Елена Аитова. Фильмда ролларда Нигина Анорбоева, Феруза Собитова, Анвар Мавлонов, Фирдавс Орипов, Элбек Файзиев ва бошқалар ижро қилган.