«ВИА Мароканд» гуруҳи «Оввора» деб номланган клипига ишланган клипни мухлислари эътиборига ҳавола қилди.

Унда бош ролларни гуруҳ вакиллари: Рашид ва Асал ўйнаган. Шунингдек, актриса, қизиқчи Маҳфуза Шербоева ҳам роль ижро этган. Клип режиссёри Ёдгор Носиров, продюсери Жавлон Шодмонов. У романтик йўналишда суратга олинган. Клипнинг воқеалар ривожи ФҲДЁ бўлимидан бошланади. Имзо чекиш вақтида Асал турмушга чиқиш фикридан қайтганини айтди. У бунга сабаб қилиб Рашиднинг эътиборсиз эканини келтиради.

Шундан кейин клипда уларнинг севги тарихи кўрсатилади. Рашид учрашувларнинг бирида Асалга юракчали «светильник» совға қилган бўлади. Ўша бузилиб қолади ва Асал уни йигитга тузатишга беради. Уни тузатиш чоғида Рашидни ток уради ва хотирасидан айрилади. Тўйи кунини ҳам эсидан чиқаради. Кейин у телефонидан хотирасини йўқотгунгача бўлган воқеалар акс этган видеони томоша қилади ва барчаси эсига тушади. Клип охирида Асал Рашидни никоҳ узугини эсидан чиқаргани учун урмоқчи бўлгани акс этган саҳна билан якунланади.