Нафақат болалар, балки катталарнинг ҳам севимли мултфильмига айланган «Ну, погоди!» («Сеними, шошмай тур!») анимацион мультифильмнинг янгича талқиндаги трейлери эълон қилинди.

Дунёга машҳур анимацион киностудия «Союзмултфильм»нинг «Сеними, шошмай тур!» мултсериали 1969 йилда катта экранларга чиққан. Бироқ орадан 43 йил ўтгач мултфильм қаҳрамонларининг қилаётган ишлари ахлоққа зид деб топилди ва экранларга намойиш этиш тўхтатилди. Мултфильмни қайтадан ишга тушириш ниятида бўлган россия аниматорлари унинг янги кўринишини оммага намойиш этди. Машҳур мултанимациянинг кейинги қимларида ҳам қуён ва бўрининг саргузаштлари давом этади.

Мултфильмнинг «You Tube»даги расмий саҳифасига жойланган трейлер 345 та «ёқди» ва 632 та «ёқмади» овозини тўплаган, унга изоҳ ёзиш эса ўчириб қўйилган. Янгича талқиндаги мултфильмнинг премьераси декабрь ойида бўлиб ўтади. Мултфильмдаги бўрига Россия сатирик актёри Гарик Харламов, қуёнга эса телебошловчи Дмитрий Хрусталёв овоз берган. Мултфильмнинг янгича талқини замонга мос талқинда ишланган.

Маълумот учун, ушбу мултфильмнинг илк талқини 20 та қисмдан иборат. Комедия жанрида оммага намойиш этилган мултфильмнинг ҳар бир қисми ўртача 9 ёки 10 дақиқадан иборат. Россия аниматорларини жаҳонга танитган мултфильм ўзбек, немис, қозоқ, испан, француз, япон, инглиз тилларига таржима қилинган.