Xонанда, актриса Муниса Ризаева «Ярамадими» номли қўшиғига ишланган клип премьерасини мухлислари эътиборига ҳавола этди.

Унда инстаблогер Озод Ҳуррамов, Ширин Абдуллаева, Ҳолиқжон vines, Муборак Абдуллаева каби актёр ва актрисалар роль ижро этган. Клипни Ҳабибуллоҳ Набиев суратга олган. Таронанинг сўзини Шахбоз Носиржонов ёзган.

Клипда ҳозирги ва 90 йиллар воқеалари бир-бирига боғланиб кетган. Унда Озод Ҳуррамов ҳозирги даврда Ширин Абдуллаева эса 90 йилларда яшайди. Инстаблогер севган қизи билан жанжаллашиб қолади ва машинасида кетади. Йўлда кетаётганда, машинасининг қуввати тугайди. У машинадан тушиб пастга қарайман деганда сувга тушиб кетади. Сузиб нариги қирғоққа боради ва ҳушидан кетади. Ширин уни қутқаради. Кейин улар биргаликда қишлоқни айланади.

Шу орада уни милицияга олиб боради. У ердан жиннихонага жўнатмоқчи бўлади. Лекин у қочиб кетади. Улар Ширин билан биргаликда концертга боради. Озод Ҳуррамов яна қўлга тушади. Актёр ҳушидан кетади ва кўзини ҳозирги замонда, шифохонада очади. Озод Ширинни соғинади. Шу сабабли у яна сувга ўзини ташлайди ҳамда севгилисининг олдига боради.