Актёр, телебошловчи, Гули Асалхўжаевaнинг ўғли Жаҳонгир Хўжаев Instagram саҳифасига Дубайдаги ресторанда идиш ювувчи бўлиб ишлаётгани акс этган видеони жойлади.

Унда актёр идишни синдиргани учун бошлиғидан гап эшитгани айтган. Жаҳонгир Хўжаевнинг сўзларига кўра, бу унинг биринчи иш куни. Шунингдек, у инглиз тилини яхши ўрганиш учун ҳамкасби билан суҳбатлашишини таъкидлади.

«Бугун биринчи иш куним. Зўр ресторан экан. Инглиз тилини ривожлантириш учун Дилшод билан гаплашишим керак. Энди бирга идиш-товоқ ювамиз. Қонга қон, жонга жон», — дейди у.

Эслатиб ўтамиз аввалроқ Жаҳонгир Хўжаев бир кунлик ҳаёти қандай ўтишини кўрсатгани хабар берилганди. Шунингдек, у Асал Абдуллаева билан тўйини кейинга қолдирмоқчилигини ва бунинг сабабини маълум қилганди. Шу билан бирга, актёр пул йиғишнинг энг баракали усулини кўрсатганди.