«Титаник» фильмида бош рольни ижро этган Кейт Уинслет ва Леонардо Ди Каприо орадан уч йил ўтиб учрашди ва актриса бу воқеадан хурсандлиги сабаб йиғлаб юборди.

Актриса Леонардо Ди Каприо билан кўп йиллар олдин танишганини, бу ерга келиб ёшлигини эслаганини, пандемия сабаб йиллаб учрашолмаганини ва бу ҳолатда ўзини йиғидан тия олмаслигини айтган.

«Мен Леонардо Ди Каприо билан анча йиллар олдин танишганман. Уни кўриб яна бир бор ёшлигимдаги хотираларни қайта эсладим. Пандемия сабаб биз ўз яшайдиган жойимизни тарк эта олмас эдик. Ўшанда у Лондонда, мен эса Нью-Йоркда эдим. У менинг энг яқин инсонларимдан бири. Учрашмаганизмига анча йиллар бўлибди, биз-биримизни соғинган эдик. Мен бундай ҳолатда ўзимни йиғидан тия олмайман», — дейди актриса.

Маълумот учун, «Титаник» фильми Жеймс Кемерон томонидан суратга олинган. Ушбу фильм 1912 йил Атлантика океани йўналишидаги Титаник кемасининг фалокатга учраши ҳақидаги воқеаларни ўз ичига олади. Тарих ва инсонлар ҳақидаги фильм катта экранларда намойиш этилиши билан бирга, миллионлаб мухлислар қалбидан жой эгаллади. Илк бор 1997 йилнинг 19 декабрида намойиш этилган фильмда бош ролларни Леонардо Ди Каприо (Жек Доусон), Кейт Уинслет (Роуз Бюкейтер), Билли Зейн (Каледон Хокли), Кети Бейтс (Молли Браун), Бернард Хилл (Эдварт Смит) ва бошқалар ижро этди.