Продюсер, актёр Аҳад Қаюм унга ўлдириш билан таҳдид қилган Фаррух Раимовга жавоб қайтарди.

Фаррух Раимов унинг пиарларидан чарчаб кетганини айтиб, ўлдириш билан таҳдид қилган эди. Аҳад Қаюм Дилсўз ва «Манго» гуруҳининг бошқа вакиллари ҳурмати унга индамай келгани, бироқ телефон қилганида муомаласига тушунмагани сабабли видеомурожаат билан чиқаётганини айтган.

«Бу сафарги видео мурожаатим хотинини пулига яшаб юрганларга. Машҳур санъаткор қизларимизга уйланиб олиб, уларнинг орқасидан кун кўриб, менга ташланманг. Яқинда синглимиз Дилсўзнинг эри, у санъаткор бўлиб санъаткор эмас, ҳеч ким билмайди. Мангодаги болалар ва Дилсўзнинг ҳурмати унга жавоб бермай юргандим. Лекин, гаплашсам жуда ҳам уни гапини тушунмадим. У билан пиар қилмайман. У бола билн рейтинггимни ҳам тенглаштирмайман. Ҳурматини қилиб телефон ҳам қилдим. Мақсадини билмоқчи эдим, лекин гапларига тушунмадим. Видеомурожаат қилишдан мақсадим, илтимос болалар Тошкент алфонсга тўлиб кетди, хотининггизнинг орқасидан мақтаниб, қайнатасининг орқасидан мақтанманг. Эркак киши ўз кучига ишониб, эркак бўлиб юрсин. Мен сенга эркак бўлиб юргин деб гапираётганим йўқку, Фаррух. Сени ҳам исталган даврада хотинининг орқасидан кун кўриб юради, хотинининг машинасини ҳайдаб юради дейди, лекин сенга буни бирор марта гапирмаганман», дейди у.

Аҳад Қаюм, шунингдек, хонандага текинга шеърлар ёзиб бергани, клипларида роль ўйнаганини таъкидлаган. Шунингдек, бу қилган ишини ҳеч қачон кечирмаслигини, кейинг сафар аяб ўтирмаслигини қайд этган.

«Ҳар доим муомалангни қилганман. Шеърларимни текинга берганман, клипларингда ўйнаб берганман, қанча ўтқизиб қўйган жойим бор. Шунчаки, инсон бўлиб, 15 йиллик ака-укачиликни бир тийинга ҳам илмаганинг учун гапираяпман. Келсанг сенга бойлигимни кўрсатаман. Хотининг орқасидан кун кўриб юрганларни мен эркак деб ҳисобламайман. Сен аввал эркак бўлгин, эркак бўлиб оилангни боқишни ўргангин. Дилсўздан ҳам, бошқалардан ҳам минг бор узур сўрайман. Мени шунчалик ерга уришга ҳаракат қилган экан, бироқ бунинг сабабини тушунмадим. Буни ҳеч қачон кечирмайман. Кейинги сафар Тошкентда қайси алфонс менга ташланадиган бўлса бутун шаҳарга шармандасини чиқараман. Фаррух, кейинги сафар бундай аяб ўтирмайман», дейди Аҳад Қаюм.

Эслатиб ўтамиз, аввалроқ «Манго» гуруҳи вакили, хонанда Фаррух Раимов актёр, продюсер Аҳад Қаюмга ўлдириш билан таҳдид қилгани ҳақида хабар берилганди.