Хонанда, актриса Рухшона Instagram саҳифасида янги машина сотиб олгани акс этган видео жойлади.

У қора рангли «Spark» машинасини сотиб олган. Автоуловнинг ҳозирдаги ўртача нархи 80 миллион сўмни ташкил қилади. Хонанда машинани ўз меҳнати билан ишлаб топган пулига сотиб олганини айтди. Шунингдек, актриса машинаси қора бўлса ҳам қалби оқ эканини таъкидлади.

«Нима янгилик деган эдингиз. Биз оиламизга тойчоқ олдик. Қора машина. Лекин қалбимиз оқ. Нима бўлганда ҳам ўз меҳнатимга машина олдим», — дейди у.

Эслатиб ўтамиз, Рухшона эри билан нима сабабдан ажрашганини маълум қилганди. Шунингдек, хонанда эрининг уйидан ўзига тегишли нарсаларини олиб кетганди. Шу билан бирга, актриса эрининг уйидан олиб чиқиб кетган нарсаларни ўзида қолдирмаслигини айтганди. Аввалроқ, у эри алиментни кам тўлаш учун ойлигини паст кўрсатганини таъкидлаганди.