Раққоса Паризода 1 октябрь — Ўқитувчи ва мураббийлар куни муносабати билан устози Акилова Вилоят Исахаровнани табриклади.

Унинг таъкидлашича, у Вилоят Акиловага ўн саккиз ёшидан шогирд тушган. Паризода таниқли раққосаларнинг кўпчилиги айнан Вилоят Исахаровна билан шуғулланганини айтди.

«Халқ артисти Акилова Вилоят Исахаровна бу менинг энг меҳрибон устозим. Таниқли раққосаларнинг кўпи айнан мана шу ерда шуғулланган. Менинг ўзим ҳам шу ерга келганимда ўн саккиз ёш бўлган эканман. Ўша пайти менга жуда кўп рақс ўргатган. Мана шу ойнага қараб рақсга тушардим. Устознинг ҳар битта гапи менга яхши куч, илҳом берган. Унинг ҳар бир сўзини шиордек қабул қилганман. Сизнинг гапингизга кирган ҳолатда, ҳаётда ҳаракат қиляпман», — дейди у.