Хонанда Лола Йўлдошевага Тошкент шаҳрида 6 октябрь куни берган ёпиқ концертида сюрприз уйиштирилди.

У Россиядан Ўзбекистонга учиб келди. Шу куни хонанда кўп қаватли турар-жой бинолари савдоси билан шуғулланувчи компаниянинг очилиш маросимида ёпиқ концерт берган. Концертда у жонли ижрода ўзи севган қўшиқларни куйлаган. Маросимдан лавҳаларни эса ўз саҳифасига жойлаган ва мухлислари орасида сўровнома ўтказган.

Концерт давомида у «Соғинч» таронасини куйлаётган вақтда ташкилотчилар томонидан кутилмаган сюрприз уйиштирилган. Хонандага гул олиб келинган ва атиргул барглари сочилган. Лола бу умуман кутилмаган совға эканини таъкидлаган ва меҳмондўстлик учун миннатдорлик билдирган.