Хонанда Каниза ўз Instagram саҳифасида Бўстонлиқдаги тўйда қўшиқ айтаётган вақтида йиқилиб тушганини маълум қилди.

Унинг сўзларига кўра, тўйда бир қиз қўлидан тортгани cабабли йиқилиб тушган. Шунингдек, Каниза бу воқеани 100 дан ортиқ одам видеога олгани ва бу видео тарқалиб кетиши мумкинлигини таъкидлади.

«Ҳозир Бўстонлиққа тўйга келдик. Жуда ажойиб вазият бўлди. Эркаклардан кимдир чойнакка бекитиб ичади, кимдир очиқчасига ичади. Одам эпласа ичиши керак. Биз санъаткорлар тўйга нимага келамиз? Саҳнада туриб, хизматимизни қилиб кетишга келамиз. Санъаткорни эпласангиз чақиринг. Жуда чиройли эмас нарса бўлди. Йиқилиб тушдим. Тушунамиз, эркаклар ичиб қотиб қолади. Аёллар эса расмга тушади, раҳмат айтади. Бу нарса жуда ёқимли. Биз мухлисларимиз учун ижод қиляпмиз. Лекин тўйхонада баъзи бир аёллар қўлдан тортиб, қариндошларининг ичига олиб кириши хунук нарса. Бир қиз қўлимдан тортганида йиқилиб тушдим. Шунинг учун бу видеони оляпман. Ҳали тарқалиб ҳам кетса керак. Чунки 100 дан ошиқ одам видеога олаётганди», — дейди у.

Эслатиб ўтамиз, аввалроқ Каниза янги қўшиғининг ижодкорлари билан келиша олмагани, озарбайжонлик машҳур хонанда билан учрашгани ҳақида хабар берилганди.

Шунингдек, хонанда Луиза Расуловадан тилини «қисқароқ» қилиб юришини талаб қилгани, Каниза актрисанинг кўплаб сирларини билишини айтгани ҳамда Луиза Расулова урушишдан қўрқаётганини айтгани ҳақида маълум қилинганди.

Шу билан бирга, Каниза журналистлардан бирига таҳдид қилгани ҳақида хабар қилинганди.