«Дизайн» кулгу жамоаси аъзоси, актёр Дилшодбек Мусабеков Instagram саҳифасига жойлаган видеоси орқали автоҳалокатга учрагани ҳақидаги миш-мишларга ойдинлик киритди.

Унинг сўзларига кўра, бу «Хафа бўлиш йўқ» кўрсатувининг суратга олиш жараёни бўлган. Актёр кеча яъни 27 ноябрда куни билан шу кўрсатувнинг суратга олиш жараёнида бўлганини айтди. Шунингдек, Дилшодбек Мусабеков ҳеч қаери синмаганини, соппа-соғ эканини таъкидлади.

«Ассалому алейкум ҳурматли, азиз юртдошлар. Ҳаммага яхши кайфият тилайман. Кеча гўёки мени машина уриб кетган, қўл-оёғим синган расмим тарқалди. Йўқ, мен соппа-соғман. Концертга тайёргарлик кўряпман. Кеча куни бўйи суратга олиш жараёнида бўлдик. ‘Хафа бўлиш йўқ’ деган кўрсатувнинг суратга олиш жараёни эди. Хуллас, жуда кўп қўнғироқлар бўлди. Мен учун куюнганларга раҳмат айтмоқчиман. Соппа-соғ, саломатман. Ҳеч қаерим сингани йўқ», — дейди у.

Эслатиб ўтамиз, аввалроқ Дилшодбек Мусабековнинг автоҳалокатга учраб, қўл ва оёғи сингани ҳақида хабарлар тарқалганди.