Хонанда, телебошловчи Ҳуснора Шодиева Instagram саҳифасига ўз туғилган кунини қандай нишонлагани ҳақида пост жойлади.

У Дубайда парашютдан сакраган. Хонанданинг сўзларига кўра, бу энг зўр совға бўлган. Бироқ парашютдан сакраш қўрқинчли бўлишини таъкидлади.

«Ҳаммага салом. Бугун менинг туғилган куним, 28 ёшга тўлдим. Бу туғилган куним учун энг зўр совға. Мен парашютдан сакрайман. Бу жуда қўрқинчли. Ҳозир бунинг қандай бўлишини кўрамиз», — дейди у.

Шунингдек, у пост остига қуйидагича изоҳ қолдирди. Хонанданинг сўзларига кўра, бу галги туғилган кунида 2 та орзуси амалга ошган. Ҳуснора қўшиғининг премьераси ва парашютдан сакраганини айтди. У барчаси учун миннатдор эканини таъкидлади.

«28 ёш — энг зўр туғилган кун бўлди. 2 та орзуйим бирданига амалга ошди. Биринчиси қўшиғимнинг тақдимоти бўлди. Иккинчиси чиройли шаҳарда парашютда сакраш. Бу мен учун энг азиз инсонлар билан амалга ошди. Мен бахтлиман! Мен миннатдорман! Мен севимлиман. Туғилган куним билан».

Эслатиб ўтамиз, аввалроқ, Ҳуснора Шодиева бинафшаранг киприк эктиргани, хонанда Туркияда самолётдан қолиб кетгани ҳақида хабар берилганди.