«Ипак йўли дурдонаси» Тошкент халқаро кинофестивалига ташриф буюрган Россия халқ артисти Филипп Киркоров ўзбек фильмлари ҳақида гапирди.

Унинг таъкидлашича, ўзбек фильмлари болаликдаги энг севимли фильмлар бўлган. Артист, шунингдек, фестиваль бўйича ҳам ўз фикрларини билдирган.

«Болаликдаги менинг энг севимли фильмларим айнан ўзбек кинематографиясининг фильмлари бўлган. Тошкент халқаро кинофестивалининг очилишида иштирок этиш мен учун катта шараф. Мен кинематография соҳасини жуда яхши кўраман, лекин кино билан унчалик алоқам йўқ. Бугунги фестивални ўзбек кинематографиясининг қайта тикланиши асоси сифатида қабул қилишимиз мумкин. Фестивални ташкиллаштириш бўйича олиб борилган ишларнинг даражаси Ўзбекистон жаҳон даражасига чиқишга тайёр эканлигини яққол кўрсатиб турибди», — дейди Филипп Киркоров.