Миллионлаб мухлисларини топган машҳур фильмлар қайта-қайта намойиш этилгани туфайли томошабинларни зериктиради. Янги йил арафасида намойиш этиладиган шундай фильмлар борки, улар томошабинларга маъқул бўлмаган.

«Уйда ёлғиз» фильми

Американинг таниқли режиссёрлари Крис Коламбус ва Жон Хюзнинг «Уйда ёлғиз» фильми биринчи бор 1990 йилда экран юзини кўрган. У АҚШ тарихидаги энг кассабоп Рождество фильмига айланган ва «Оскар» ҳамда «Олтин глобус»ни қўлга киритган. Фильм катта экранларда намойиш этилгандан кейин катта фойда келтирди, бироқ шу билан бирга салбий изоҳларга ҳам сабаб бўлди. Томошабинлар фильм ғоясини жуда паст баҳолаган.

«Янги йилдаги таътил» кинофильми

Режиссёр Жон Хюзнинг яна бир машҳур фильмларидан бири «Янги йилдаги таътил» кинокартинаси 1989 йилда катта экранларга чиққан. Фильм комедия жанрида бўлиб, унинг «Таътил», «Европадаги таътил» номли қисмлари ҳам суратга олинган. Жуда кўп томошабинлар фильмни қизиқарсиз саҳналардан ташкил топган баҳолаган.

«34 кўчадаги мўъжиза»

Ўтган асрнинг энг машҳур кинофильмларидан бири «34 кўчадаги мўъжиза» кинофильми 1947 йилда суратга олинган. Фильм Американинг таниқли ёзувчилари Жорж Ситон ва Валентин Девис сценарийлари асосида суратга олинган. Ушбу фильмнинг яна 4 та янги талқини томошабинларга намойиш этилган. Ғоя жиҳатидан бироз зерикарли бўлган фильм омадсиз лойиҳалар қаторига киритилган.

«Янги йил тарихи» кинофильми

Америкалик режиссёр Боб Кларк 1983 йилда «Янги йил тарихи» фильмини суратга олди ва бу кинокартина учун 4 миллион доллар маблағ сарфлади. Фильм 9 ёшли Ралфининг Янги йил байрамидаги саргузаштлари ҳақида. Фильм молиявий жиҳатдан ҳам ўзини оқламаган ва намойиш этилган йилнинг ўзидаёқ муваффаққиятсизликка учраган.

«Гринч — Янги йил ўғриси» кинофильми

Германия АҚШ киноижодкорлари билан ҳамкорликда суратга олинган «Гринч — Янги йил ўғриси» кинофильми 2000 йилда катта экранларда намойиш этилган. Ушбу фильм ҳам молиявий жиҳатдан ўзини оқламаган ва томошабинларнинг нафратига сабаб бўлган.