Туркияда 8-12 ноябрь кунлари бўлиб ўтаётган «Коркут ата» халқаро кинофестивалида таниқли ўзбек киноижодкорлари ҳам иштирок этмоқда.

Кинофестиваль дастурида 11 ноябрь куни «Ўзбек киноси куни» ташкил этилди. Ундан аввал «Ипак йўли дурдонаси» Тошкент халқаро кинофестивали ҳақида видео ролик этилди. Табрик учун Кинематография агентлиги бош директори Фирдавс Абдухолиқов ҳамда Туркия Маданият ва Туризм вазири ўринбосари Аҳмет Демиркан сўзга чиқди.

Кечада ўзбек миллий куй-қўшиқлари ва рақслари янгради. Маданий тадбир байрам тантанага айланди. Шунингдек, таниқли ўзбек кино ва эстрада юлдузларининг чиқишлари тақдим этилди. Сўнгра Кинематография агентлиги буюртмасига биноан суратга олинган режиссёр Рашид Маликовнинг «Тутқунлик» фильминингпремераси бўлиб ўтди.

Кечада ўзбек киноижодкорлари, Туркиядаги ўзбекистонликлар ва маҳаллий аҳоли ҳам иштирок этди. Байрам барчага манзур бўлди. 11 ноябрдан Туркия миллий телеканалларида кинофестивалда намойиш этилган ўзбек фильмларининг телевидение премьералари ҳам бошланди.

Маълумот учун, кинофестивалда Ўзбекистон Кинематография агентлиги буюртмасига биноан суратга олинган режиссёр Али Ҳамраевнинг «Халқ жасорати», Жаҳонгир Аҳмедовнинг «Илҳақ» фильмлари ҳам намойиш этилди.