Режиссёр, сценарийнавис, актёр Ҳилол Насимов фильмлардаги айрим лавҳалар телеканаллар томонидан кесиб ташланишини танқид қилди.

Унинг сўзларига кўра, биргина сўз бутун фильмни тубдан ўзгартириб юбориши мумкин. Шу сабабли лавҳалар кесиладиган бўлса фильм тушунарсиз жумбоққа айланиб қолиши мумкин.

«Биттагина сўз фильмни тубдан ўзгартириб юбориши мумкин, ёки бўлмаса биргина сўз учун бутун фильм олиниши мумкин. Биз телевидениеда вақти келганда битта жойини шарт кесиб ташлаймиз. Нафақат битта жойини, балки, кўп жойини кесиб ташлаймиз. Ҳаттоки Равил Ботировдек буюк режиссёрнинг «Жаннат қайдадур» фильмининг 12 дақиқасини қисқартириб ташлашган. Бу эса фильмни тушунарсиз бир жумбоққа айлантириб қўйиши мумкин», — дейди Ҳилол Насимов.