Актёр Эргаш Мўминов комедия жанрида суратга олинган «Масхарабоз» киноси нима сабабдан эфирга сифатсиз тарзда узатилишини маълум қилди.

Унинг таъкидлашича, ўша вақтда плёнкага олинган фильмнинг барча нусхаси кинотеатрларга чиқиб кетган. Шу сабабли ҳозир телеканалларда фильмнинг сифатсиз шакли берилади.

«Ҳозир суфлёрсиз олиша олмайди. Ҳозир, майли, танқид қилиб қўймайлик. Шароф Бошбековнинг биринчи фильми бўлган. У ҳам жуда жиддий қараган бу кинога. Мана ҳозирги кунда қарасангиз, шу кино эфирга кетса, сифатсиз. Қайси маънода, техника томонидан сифатсиз. Плёнкая олинган. Тўртта копия бўлган. Ҳаммаси чиқиб кетган кинотеатрларга. Ҳақиқийси сақлаб қолинмаган. Сифати ёмон бўлса ҳам ҳамон эфирга кетяпти», — дейди актёр.

Маълумот учун, «Масхарабоз» фильми 1994 йил Наманган вилоятининг Чортоқ туманидаги қишлоқда суратга олинган.