Актриса Кумуш Ўктамова ўзининг салбий роллари ҳақида гапириб, бу билан яхшиликка хизмат қилаётганини айтди.

У ҳеч ким онасининг қорнидан ёмон бўлиб туғилмаслигини, ҳаёт уни шундай бўлишга мажбур қилишини таъкидлаган.

«Кўпчилик салбий ролдан воз кечади. Улар ёмон кўриниб қолишдан қўрқади. Айниқса, актрисалар ёки актёрлар. Улар ижобий роль талаб қилади. Гап унинг юкида. Ролнинг юки ва ҳақиқатида. Ҳаётда ўзи ёмон инсонлар ҳам ёмон бўлиб қолмайди. Ҳаёт, алдовлар мажбур қилади. Масалан, ёмон инсонларни оладиган бўлсак, ҳеч ким онасининг қорнидна ёмон бўлоб туғилмайди. Секин-секин унда ёмон ҳислатлар пайдо бўлади. Биз салбий ролини ўйнашимиз ҳам яхшиликка. Чунки ўзининг аксини кўради. Ўзининг йўналиши ёмонлигини кўриб, ўша йўлдан қайтади. Демак, яхшиликка хизмат қиляпмиз», — дейди актриса.