Тошкент халқаро кинофестивали доирасида Ўзбекистонга келган болливуд юлдузи Митхун Чакраборти ўзбек киноси ҳақида ўз фикрларини билдирди.

Актёр Тошкентга келиб Ўзбекистон янада тараққиёт босқичига чиққанига гувоҳ бўлганини таъкидлаган. Шунингдек, ўзбек кинолари техник жиҳатдан янги босқичга кўтарилиши кераклигини қайд этган.

«Биринчи марта Тошкентга ҳамкорликда фильм ишлаганимизда келгандим, бир ой давомида бу ерда бўлгандик. Бугун Тошкентга келиб ҳайратимни беркита олмадим. Аэропортни ўзидаёқ улкан ўзгаришларни кўриб, худдики ўзимни Европани қайсидир шаҳрига келиб қолганимни ҳис қилдим. Ўзбекистон ва Ҳиндистон ўртасида азалдан яқин дўстона алоқалар бўлган ва бугун ҳам бу алоқалар нафақат кино ва сериаллар барча соҳаларда давом этиб келяпти. Айтишим мумкинки, Тошкентга келиб, Ўзбекистон янги тараққиёт босқичига чиқиб, янада ривожланиб чирой очганига гувоҳ бўлдим. Техник томондан янги босқичга кўтарилиш зарур. Ўзбек киноиндустрияси хорижий ҳамкорликни янада кучайтириши керак. Мен ўзбек фильмларини дунёга чиқишини хоҳлайман», — дейди у.