Кинематография агентлиги ахборот хизмати «Бир кунлик тўй» комедияси қачон премьера қилинишини маълум қилди.

Унга кўра, «Ипак йўли дурдонаси» Тошкент халқаро кинофестивалида бугун соат 18:00 да Алишер Навоий номидаги киносаройда «Бир кунлик тўй» кинокомедиясининг премьераси бўлиб ўтади. Кинокартина агентлик буюртмасига биноан суратга олинган. Унда асосан қаҳрамонларнинг комик саргузаштларга бой ҳаётий воқеалари кўрсатилади.

Сценарий муаллифи ва постановкачи режиссëр Шоҳрух Расулов, постановкачи оператор Иззатилла Лутфуллаев, постановкачи рассом Акмал Саидов, ижрочи продюсер Давронхўжа Абдуғаниев, муҳаррир Фурқат Усмонов. Актёрлар Бахтиёр Турғунов, Хайрулла Саъдиев, Матёқуб Матчонов, Мухаббат Абдуллаева, Анвар Назаров, Асал Абдуллаева, Ситора Фармонова, Шоҳрух Ҳамдамов, Мухаммаджон Бобожонов, Анвар Салимов ва бошқалар.