Актриса, модель Зарина Йўлдошева «Omon-omon» кўрсатувига берган интервьюсида актрисаликдан олдин раққосалик билан шуғулланганини айтди.

У хореография коллежида ўқиган. Ундан кейин бир йил давомида маданият вазири Озодбек Назарбеков томонидан ташкил этилган «Тановар» рақс ансамблида ишлаганини айтди. Актриса Юлдуз Усмонованинг «Сени севаман» қўшиғига ишланган клипида роль ижро этгандан кейин актрисаликка қизиқа бошлаганини таъкидлади.

«Озодбек Назарбеков янги очган ‘Тановар’ рақс ансамблида бир йил ишлаганман. Шундан кейин рақсни ташлаганман. Ундан олдин уч йил хореография коллежида ўқиганман. Актриса бўлиш ҳаёлимга ҳам келмаган. Тошкентга рақс бўйича келганман. Нимадир сабаб бўлиб Юлдуз Усмонованинг ‘Мен сени севаман’ клипига тушганман. У ерда ҳеч ким бош ролда бўлмаган. Ҳаммада эпизодик роль бўлган. Шундан кейин клипларга чиқиш ёқиб қолган», — дейди у.