Инстаблогер Холиқжон винес YouTube’даги «Shok.uz» лойиҳасига берган интервьюсида Даврон Кабулов уни «Миллион» жамоасига олмагани учун раҳмат айтди.

Унинг сўзларига кўра, «Миллион» жамоасига ўтиш унинг орзуси бўлган. Бироқ Холиқжон бундан тушкунликка тушмаганини таъкидлади.

«Мен Даврон Кабуловга раҳмат айтмоқчиман. Мен ҚВЗ дан чиққанман. Ундан кейин Даврон Кабуловинг ‘Гараж’ кўрсатувига борганман. Менинг ниятим, орзу-ҳавасим ‘Миллион’ жамоасига ўтиш бўлган. Даврон ака ‘Ким зўр чиқса, арзиса Миллион жамоасига оламиз’ деган. Ҳамма қатори ҳаракат қилганман. Демак, менинг камчилигим бўлганки, мен ‘Миллион’ жамоасига ўтмаганман. Даврон Кабуловга мени жамоасига олмагани учун раҳмат айтаман. Менинг ризқ-насибам Xoliqjon vinesда экан. Мен бундан тушкунликка тушиб қолмаганман. Худога беҳисоб шукур, ҳозир ҳамма нарсам бор», — дейди у.

Эслатиб ўтамиз, аввалроқ Мафтуна Шокирова, Умиджон Ҳайдаров «Миллион»дан кетишининг сабабини айтганди. Шунингдек, «Миллион» жамоаси аъзоларига гонарар қай тартибда берилиши маълум бўлганди. Шу билан бирга, Даврон Кабулов «Миллион»дан кетганлар ҳақида фикрини билдирганди.