Актёр Умид Шодмонов YouTube’dagi «ChotkiTV» лойиҳасига берган интервьюсида шу пайтгача уйи бўлмагани ҳақида гапирди.

Унинг сўзларига кўра, бу йил уй учун тўлов қилган ва сентябрь ойида ўша уйга кўчади. Бироқ у танлаган соҳада уйи йўқлиги, ижарада туришини айтолмаслигини таъкидлади. Актёр оч қолса ҳам овқатнинг ортидан югурмаслигини айтди.

«Мана бу йил уйга тўлов қилдим. Уйим йўқ эди. Менинг эгаллаган касбим бўйича мен кўчага чиқиб уйим йўқ. Мен ижарада тураман деёлмайман. Оч қолсам қоламан, лекин мен овқатга югурмайман. Ўз вақтини кутадиган бўлиб қолганман. Мана бу йил вақти бўлди. Битта яхши инсоннинг кўмаги билан уйга тўлов қилдим. Худо насиб қилса, сентябрда кўчаман. Ўн беш йил тўлов қилсам ҳам олтмишга кирар эканман. Ҳеч бўлмаса бола-чақага уй қолади. Улар ҳеч бўлмаса, дадамиз фақат ‘калла қўйиб’ юрмаган экан дейишади», — дейди актёр.