Хонанда Ҳуснора Шодиеванинг онаси бошловчи Раъно Артикова YouTube’даги «Yashin Tv» лойиҳасига берган интервьюсида қизининг биринчи турмуши ҳақида гапирди.

Унинг сўзларига кўра, Ҳусноранинг собиқ турмуш ўртоғи уни Instagram’да кўриб ёқтириб қолган. Шундан кейин хонандани суриштириб топган ва 3-4 марта кўргандан сўнг тўйни тезлаштириб юборган. Шунингдек, актрисанинг онаси тўй дабдабали ўтганини таъкидлаган.

«Жуда катта тўй бўлган, севишиб турмуш қуришмаган. У бола Instagram’да кўриб қолган. Кейин қидириб топган. Даврон деган бола ‘Бу мен билан ўқийди’, деб номерини берган. У тўғри менга қўнғирoқ қилган. Ишим бўйича келди деб ўйлаб чиққанман. Чиқсам, битта гавдали, келишган бола турган экан. Ҳуснора уни кўриб ‘Кишику бу. Унинг олдига чиқмайманʼ, деди. Эр-хотин бир-биридан 7 ёш катта бўлса яхшику дедим. Шу билан тўй тезлашиб кетди. У бола иш бўйича Дубайда яшарди. Биз нима иш қилишини билмаганмиз. Ҳамма нимага суриштирмадингиз деган. Энди бу пешона. Келинг, тўйни сентябрда қилайлик дедим. Тўйга тайёргарлик кўриш керак дедим. 3-4 марта кўриб, кейин тўйни тезлаштириб кетди. Агар тўй сентябрда бўлганда мен у болага эрга бермасдим. Мен у боланинг қандайлигини билардим», — дейди у.

Эслатиб ўтамиз, аввалроқ Ҳуснора Шодиева бинафшаранг киприк эктиргани ҳақида хабар берилганди. Шунингдек, Ҳуснора Шодиева Туркияда самолётдан қолиб кетгани ҳақида маълум қилганди. Шу билан бирга, у туғилган кунида парашютдан сакраганди.