Хонанда Сарвара 13 октябрь куни туғилган кунини қандай нишонлаганини кўрсатди.

У туғилган кунини «Ўзбекистон» меҳмонхонасининг 17-қаватида жойлашган ресторанда нишонлаган. Базмга хонанданинг энг яқин дўстлари, устоз хонандалар, журналистлар таклиф қилинган. Шунингдек, Райҳон Уласенова базмга келолмагани учун ундан узр сўраган, бироқ актрисанинг онаси келган.

Кечада хонанданинг ўзи ҳам қўшиқ куйлаган. У Ўзбекистонда қанча меҳр берилаётган бўлсада барибир Туркияга кетишини маълум қилган. Шунингдек, табриклаган барчага ўз миннатдорчилигини билдирган.

Ўзбек мухлислари орасида «Излаб қоласиз», «Айрилиқ», «Муҳаббат», «Олмача» деб номланган бир қанча қўшиқлари билан машҳурликка эришган хонанда Сарвара Андижон вилоятида туғилган. У 2002 йилда ўзининг қатор хит қўшиқлари билан мухлислар олқишига сазовор бўлган. Унинг «Муҳаббат сен чиройлисан» номли дебют қўшиғи ортидан «Олмача», «Айб мендами, айб сендами?» номли қўшиқлари хитга айланган. У, шунингдек, «Афсуски», «Ёр дема», «Айрилиқ», «Сан дўст», «Атиргулга айланаман», «Чимилдиқ», «Қиш» ва яна кўплаб бошқа сермазмун қўшиқлари билан танилган.

Сарвара Тошкент Давлат Санъат Институтининг Мусиқий драма ва Режиссёрлик факультетларини битириши ортидан, Тошкент Давлат Иқтисодиёт Университетининг Халқаро иқтисодий алоқалар факультетини ҳам якунлаган.