Қизиқчи, актёр, «Дизайн» жамоасининг аъзоси Саъдулла Фатҳуллаев YouTube’даги «Chotki Tv» лойиҳасига берган интервьюсида «Миллион» жамоасининг янги концерт дастурида «Дизайн» жамоасидан ғоя ўгирлангани ҳақида гапирди.

Унинг сўзларига кўра, «Миллион» концертида «Дизайн»нинг «Раис мажлиси» саҳнасини кўчиришган. Актёр у ўз жамоасининг ғояси эканини айтди. Шунингдек, қизиқчи ҳеч қачон ҳамкасбларининг ғоясини ўғирламаганини таъкидлади.

«Адашмасам, бу йил ‘Миллион’ жамоасининг концертида ‘Раиснинг мажлиси’ саҳнасини қилишибди. Бу бизнинг нарса. Биз буни қилиб бўлгамиз. Бу янгиликмас. Янгилик қилишсин. Мен уларга қарши эмасман. Эшитишим бўйича раисни ўхшатиша олмаган. Балки бу бизнинг мухлисимиз бўлгани учун шундай дегандир. ‘Темир хотин’да Мурод аканинг ролини ундан кучли актёрга берсангиз ҳам, у Мурод аканинг роли бўлиб қолади. Менимча бошқа нарса ҳам қилиш мумкин эди деган фикрим бор. Бизда ҳеч қачон ундай бўлмаган. Дилшод аканинг ‘Эркак бўлиб ўлиб кетарканмизда’ деган ҳазили бор. Биз нафақат чет элдан, балки ўзимизнинг болалар қўйган мавзу бўлса ҳам тегмаймиз», — дейди у.

Эслатиб ўтамиз, аввалроқ Саъдулла Фатҳуллаевнинг хотини Ситора Фармоновага совға берганди.