Актриса, «Парвона» спектаклидаги Юлдузxoн образи билан танилган Шукуржон Сафаева санъатни тарк этишининг сабабини маълум қилди.

Унинг сўзларига кўра, кўпчилик театрдан кетишига эрининг рашки сабаб деб ўйлайди. Актриса институтда турмуш ўртоғи билан бирга ўқиганини айтди. Шукуржон Сафаева «Парвона» спектакли ҳаётининг мазмунига айланган бўлса ҳам, эри бундан норози бўлмаганини таъкидлади.

«Айримлар театрдан кетишимга турмуш ўртоғимнинг рашки сабаб бўлган, деб билишади. Турмуш ўртоғим Оллаберган Омонов билан институтда бирга ўқиганмиз. ‘Парвона’ спектакли саҳналаштирилганда 3 фарзанднинг онаси эдим, ёшим ҳам 36 да бўлган. Деярли ҳаётим бир спектакль билан узлуксиз боғланиб қолган бўлса ҳам, турмуш ўртоғим норози бўлмаган», — дейди у.

Шунингдек, у театрдан кетишига ички низолар ва моддий қийинчиликлар сабаб бўлганини айтди. Актриса «Деди-деди» гаплардан чарчагни учун ўзини педогогикада синаб кўришга қарор қилганини таъкидлади. Унинг сўзларига кўра, ҳозирда Ўзбекистон давлат консерваториясида актёрлик маҳорати дарсидан сабоқ беради.

«Аслида, театрдан кетишимга ички низолар, моддий қийинчиликлар ва соғлиғимнинг ёмонлашиши сабаб бўлган. «Деди-деди» гаплардан чарчаганим учун ўзимни педагогликда синаб кўришга қарор қилганман. Аввал Тошкент маданият коллежида, ундан кейин Ўзбекистон давлат консерваториясида актёрлик маҳорати дарсидан сабоқ бердим», — дейди актриса.