Актёр, Алихан тахаллуси билан танилган Нурмуҳаммад Ҳусниддинов YouTube’даги «Salom live» лойиҳасига берган интервьюсида беҳаё фильмларда роль ўйнашга таклиф тушса қандай жавоб беришини айтди.

Унинг сўзларига кўра, бундай фильмларга таклиф бўлмаган. Актёр жуда очиқ саҳналари бўлган фильмда тушмаслигини айтди. Шунингдек, Алихан ота-онасининг юзини ерга қаратмайдиган роль бўлиши кераклигини таъкидлади.

«У ерда шахсан ўзимга ундай таклиф бўлмаган. Лекин ундай саҳналари кўп бўлган фильмлар бор. Ундай фильмларни ҳам танласангиз бўлади. Уларни ҳамма тушунади. Улар бошқа йўналиш. Лекин менга ундай таклиф бўлмаган. Унинг ҳам меъёри бор. Агар шундай бўлса, ўйнаган бўлардим. Жуда очиқ саҳна бўлса албатта ўйнамаган бўлардим. Чунки Америка бошқа, Ўзбекистон бошқа. Ота-онангиз кўрганда, юзини ерга қаратмайдиган роль бўлиши керак», — дейди у.