Актёр, режиссёр Муҳаммадали Алиев молиявий қийинчиликлар туфайли, отасини 16 ёшгача кўролмагани ҳақида гапирди.

Унинг сўзларига кўра, санъаткорлар оиласида туғилган. Отаси Маъруф Алиев спорт телеканалида режиссёр бўлиб ишлаган. Телевидениеда ойлик кам бўлгани учун отаси Америкага ишлашга кетишга мажбур бўлган. Муҳаммадали Алиев отаси 14 йил қора ишчи бўлиб ишлаганини таъкидлади.

«Санъаткорлар оиласида туғилганман. Отам Маъруф Алиев анча йил спорт каналида режиссёр бўлиб ишлаган, ҳозир эса театрда режиссор ёрдамчиси бўлиб фаолият юритади. Шундай бўлсада, болаликдан санъатга қизиққанман, деёлмайман. Чунки отам икки ёшимда АҚШга кетиб, 16 ёшимда қайтиб келган. Шу боис эсимни таниган пайтимда санъаткор бўламан, деган қатъий қарорим йўқ эди. Оилада мендан аввал акам ва опам бор. Ҳамма оилада бўлганидек бизда ҳам моддий қийинчиликлар бўлган. Телеведениедаги ойликлар камлиги учун моддий жиҳатдан қийналган эканмиз. Ўшанда отам АҚШга кетиб, 14 йил қора ишчи бўлиб ишлаган», — дейди у.

Эслатиб ўтамиз, аввалроқ Муҳаммадали Алиев яқин дўстини бизнес сабаб йўқотгани ҳақида айтиб берганди. Шу билан бирга, актёр турмуш ўртоғини Камила орқали топганини айтганди.