Актёр, сўз устаси, «Миллион» жамоаси вакили Маъруф Носиров YouTube’даги «Intervyu TV» лойиҳаcига берган интервьюсида тўйидан олдин ўғилли бўлгани ҳақида гапирди.

Унинг сўзларига кўра, тўйи белгиланган, келин билан никоҳ ўқилган пайти бувиси вафот этган. Шундан кейин онаси келин билан бирга яшайверишини айтган. Актёр ўша пайти фарзандли бўлганини тўйи эса карантин ва аммасининг вафоти сабабли яна ортга сурилганини таъкидлади.

«У кунлар бошқача бўлганди. Онам билан тўй тараддудида юрган пайтимиз таъзия бўлиб қолган. У пайти биз никоҳ ўқитгандик. Мени катта қилган бувим ўтиб қолган. Тўйимни кўрсин деб ният қилгандим, лекин улгурмади. Бизда бир йил тўлмагунча тўй қилмаганмиз. Онам хотининг билан яшайвер, битта ўзинг яшама деди. Кейин фарзандли бўлдик. Мартда концерт бўлади. Апрелда тўйимни қиламан дедим. Карантин бўлди. Тўйлар ёпилди. 30 кишуликка рухсат бергандан кейин августга белгиладик. Тўй қилмасак бўлмасди, чунки болам борлигини деярли ҳамма биларди. Унда 30 кишиликка юрагим чопмади. Кейин 24 октябрга кўчирдик. Ҳаммага ятиб қўйганман. Санъаткорлар борамиз деганди. Ўша пайти энг катта аммам ўтиб қолган. Амаким билан онам 21 ноябрга белгиладик деб айтди. Тўйдан бир кун олдин бордим. Шунда ҳам қўрқиб. Бешинчисида ўхшади. Тўйим 5 марта белгиланиб, 4 марта қолдирилган. Муҳими бахтлимиз», — дейди актёр.