Актёр Жавоҳир Зокиров YouTube’даги «Salom live» лойиҳасига берган интервьюсида Туркия билан ҳамкорликда ишланган «Мендирман Жалолиддин» сериалидан кўнгли тўлмагани ҳақида гапирди.

У сериал тасаввур қилганидек бўлмаганини айтди. Актёр лойиҳа учун кетган бир йилига ачинишини таъкидлади. Жавоҳир Зокировнинг сўзларига кўра, ҳақиқий ижод биргаликда бўлади.

«Лойиҳадан кўнглим тўлмади. Кетказган 1 йил вақтимга ачинаман. Сабаби мен тасаввур қилгандек бўлмади. Ҳар томонлама кутган нарсам бўлмади. Бу алоҳида мавзу. Мен одамларни алдолмайман. Шунинг учун тўғрисини айтяпман. Фақат бир томонга ўйналади. Мен буни хоҳламайман. Ҳақиқий ижод биргаликда бўлади», — дейди у.