Актриса Барчин Ғофурова YouTube’даги «Chotki Tv» лойиҳасига берган интервьюсида отаси билан муносабатлари ҳақида гапирди.

Унинг сўзларига кўра, отасини қайтаришга ҳаракат қилган. «Жигарбандим» фильмининг премьерасига билет ҳам олиб бориб берган. Бироқ отаси ҳаёт шундай эканини, катта бўлса буни тушуниши кераклигини айтган. Актриса отасининг кечирим сўрашини кутишини таъкидлади. Барчин Ғофурова отасига дунёга келтиргани учун раҳмат айтди. Актриса шу сабабли, турмушга чиқишдан қўрқади.

«Отам мен учун ўлган. Отамни қайтаришга ҳаракат қилганман. ‘Жигарбандим’ киносининг премьерасида билет ҳам олиб бориб берганман. ‘Ҳаёт шунақа. Катта бўлсанг тушунасан’, деди. Мен ҳам бошқаларга ўхшаб отанинг меҳрини ҳис қилишни хоҳлаганман. Дунёга келтиргани учун раҳмат. Лекин отанинг вазифалари ҳам бор. Мен отамнинг келиб кечирим сўрашини кутаман. Олдин онамни айбдор деб билардим. Чунки онам жуда ҳам ғурурли инсон. Шунинг учун мен оила қуришдан қўрқаман», — дейди актриса.