Актёр Жавоҳир Зокиров YouTube’даги «Salom live» лойиҳасига берганн интервьюсида эркак киши оила қуришга яхшилаб тайёрланиши кераклиги ҳақида гапирди.

Унинг сўзларига кўра, биринчи марта уйлангани 30 ёш бўлган ва бир йилдан кейин ажрашган. Актёр иккинчи марта уйланаётганида собиқ турмуш ўртоғи билан судлашганини айтди. Шунингдек, Жавоҳир Зокиров эркак киши оила қуришга тайёрман деб ўйлаган пайти уйланиши кераклигини таъкидлади.

«Мен 3 марта уйланганман. Биринчисига 30 ёшда уйланганман. Мен кеч ёки эрта деган нарсани тушунмайман. Эркак киши 30-40 ёшда ўзининг эркаклигини ҳис қилади деб ўйлайман. Бизда муносабат қилишни ҳам билишмайди. Фақат уйлантириб қўйса бўлди. Биринчи турмушим билан бир йилдан кейин ажрашиб кетганман. Иккинчи уйланишимда судлашув бўлган. Ўшанда биринчи аёлим ҳар хил бўхтон нарсаларни тарқатиб, ҳамма жойга ёзган», — дейди у.