Актёр, суҳандон Рихситилла Абдуллаев YouTube’аги «Salom Live» лойиҳасига берган интервьюсида Ёқуб Аҳмедовнинг куёви бўлиш унга плюс бўлмаганини, аксинча масъулият яна ҳам ортганини таъкидлади.

Унинг сўзларига кўра, тўйдан кейин у театрга ҳаммадан олдин борган ва кеч қолишга ҳаққи бўлмаган. Актёр қайнотасининг юзини ерга қаратмаслигига зеҳни етганини айтди. Шунингдек, Ёқуб Аҳмедовнинг куёвига давлат мукофотларини олиб бериш қўлидан келса ҳам, ундай қилмаганини таъкидлади.

«Ҳеч қандай плус бўлмаган. Чунки мен театрга ҳаммадан олдин келишим керак эди. Кеч қолишга ҳаққим йўқ эди. Намуна бўлишим керак эди. Куёви кеч қоляпти деган гаплар бўлмаслиги керак эди. Чунки менинг бу нарсага зеҳним етарди. Юзини ерга қаратишим керак эмасди. Ўзи умуман куёвлик қилиб эркалик қилмаганман. Ҳар доим бош ролда ўйнамаганман, хизмат кўрсатган артист, халқ артистини олмаганман. Ёқуб Аҳмедов қўлидан келган бўлса ҳам бу нарсага ҳаракат ҳам қилмаган. Лекин ҳеч қачон бу нарсага аралашмаган. Ёқуб Аҳмедовнинг куёви бўлганим учун, мухлис бўлишга мажбурлаб бўлмайди. Ўзингизнинг меҳнатингиз, менингиз бўлмаса, кимнинг фарзанди бўлишингиздан қатъий назар халқ қабул қилмайди», — дейди у.

Эслатиб ўтамиз, Луиза Расулова Рихситилла Абдуллаев билан нима сабабдан жанжаллашганини айтгани, актриса Рихситилла Абдуллаев билан ёзишмани эълон қилгани, Актёр унга гул совға қилгани ва бирга овқатлангани, Рихситилла Абдуллаев бир ойлик даромади ва харажати қанча эканини айтгани ҳақида хабар берилганди.