Хонанда Иззат Шукуров YouTube’даги «SBuzofficial» лойиҳасига берган интервьюсида нашидлар айтишига нима сабаб бўлганини айтди.

Хонанда 2 йил олдин бошқа соҳаларгa ҳаракат қилганини таъкидлади. Иззат Шукуровнинг сўзларига кўра, телевидение соҳасида ишлари ўхшамаган, маблағ етишмовчилиги бўлган. Хонанданинг таъкидлашича, ҳозирда ўз йўналишини топган.

«Дўстларимиз билан бирга айтишни бошлаганмиз. Аллоҳ шундай сабаб қилиб қўяркан, сезмай қоларкансиз. Аллоҳ умуман кутмайдиган тарафингиздан берар экан. Икки йил олдин суҳбат қурганимизда ҳам нималарга ҳаракат қилмасдим… Телевидение соҳасида ишларимиз ўхшамасди ёки маблағ етишмовчилиги бўларди. Ичимдан шу йўналиш меники эканини ҳис қилдим», — дейди хонанда.

Эслатиб ўтамиз, аввалроқ Иззат Шукуров уйига совчилар келагани ҳақида гапирганди. Шунингдек, хонанда қандай қизга уйланишини айтганди. Шу билан бирга, у саловат куйлашни бошлаганида қилган хатоси ҳақида гапириб берди.